I nxehti “afrikan” nuk është larguar ende nga vendi. Sipas Meteolab temperaturat maksimale në vend do të shkojnë në 38 gradë. Ndërsa, temperatura minimale do të jetë 19 gradë. Kthjellime gjatë ditës do të ketë vetëm në zonat veriperendimore të vendit. “Pjesa e parë e ditës paraqitet me kthjellime dhe vranësira kalimtare, ku më të dukshme do jenë në zonat veri-veriperendimore. Pjesa e dyte e ditës vijon me kthjellime e vranësira të herë pas-hershme në të gjithë vendin. Temperaturat e ajrit rriten në mëngjes por mbeten të pandryshuara në mesditë duke luhatur vlerat ditore nga 19°C deri në 38°C. Era do fryjë mesatare gjatë paradites por forcohet ndjeshëm në pasdite duke arritur shpejtësi deri 65 km/h nga drejtimi Jugor dhe krijon në brigjet detare dallgëzim mbi 5 ballë.”, njofton Meteoalb.
