35 vite pas suksesit të filmit ‘Dy herë mat’, aktorët Bujar Kapexhiu, Manjola Begolli, Alfred Bualoti u rikthyen dhe njëherë në sheshxhirim, në Sarandë, ku risollën kujtime të bukura jo vetëm me njëri-tjetrin por me të gjithë dashamirësit e filmit.
Ata morën pjesë gjithashtu në një lojë shahu të dy të rinjve të talentuar dhe me rekorde të këtij sporti në qytetin e Sarandës. Ky takim në formën e një spektakli që evokonte suksesin e ‘Dy herë mat’ ishte gjithashtu një nisje e mbarë e stinës turistike 2021.
Bujar Kapexhiu i cili luante rolin e Ilo Pinci ishte veshur me kuadrate për të rikujtuar karizmën e personazhit të tij. Aktivitetit të organizuar nga bashkia e këtij qyteti, i mungonte shumë prania e të ndjereve Aleko Prodani e Fadil Kujofsa.