Ronaldo thyen rekordin e golave ndërkombëtarë: Shumë special për mua, por nuk...

Ronaldo thyen rekordin e golave ndërkombëtarë: Shumë special për mua, por nuk e kam mbyllur ende llogarinë

55
0

Cristiano Ronaldo është bërë futbollisti me më shumë gola në historinë e futbollit sa i përket ndeshjeve ndërkombëtare. Ditën e djeshme portugezi theu rekordin e Ali Daei që kishte shënuar 110 gola. Sulmuesi për ta bërë dhe më të veçantë golin e thyerjes së rekordit e shënoi në minutën e fundit për t’i dhuruar Portugalisë fitoren përballë Irlandës. Ronaldo thotë se për të ky rekord është shumë i veçantë, ndryshe nga të tjerët, por paralajmëron se nuk e ka mbyllur ende llogarinë me golat.

 

STATUSI NGA CRISTIANO RONALDO

Nuk mund të filloj as të shprehem me fjalë! Jam i emocionuar me një sensacion dërrmues! Përpara, Portugali! Le të shkojmë!

Nga të gjitha rekordet që kam thyer gjatë karrierës sime – dhe fatmirësisht ka pasur disa – ky është shumë i veçantë për mua dhe sigurisht është në raftin e arritjeve që më bëjnë vërtet krenar.

Para së gjithash, sepse çdo herë që përfaqësoj vendin tim është një moment i veçantë, për të ditur se unë jam duke mbrojtur Portugalinë dhe duke i treguar botës se nga çfarë portugezët janë bërë. Së dyti, sepse garat e Kombëtares kanë pasur gjithmonë një ndikim shumë të fortë tek unë teksa po rritesha, duke parë idhujt e mi që luajnë për flamujt e tyre çdo Verë tjetër në Euro dhe në Kupat e Botës. Por më në fund dhe mbi të gjitha sepse të shenosh 111 gola për Portugalinë do të thotë 111 momente si ato që përjetuam sot në Algarve, momente bashkimi në mbarë botën dhe lumturie për miliona e miliona qytetarë portugezë kudo në glob. Për ta, çdo sakrificë ia vlen.

Një arsye tjetër për mua që ta vlerësoj këtë arritje aq sa unë tani, është sepse Ali Daei ka vendosur standardet në një nivel kaq të lartë, saqë në një moment edhe fillova të mendoj se nuk mund ta kapja kurrë. Urime per ′′ Shariarin ′′ qe mbajti rekordin per kaq kohe dhe faleminderit qe treguat gjithmone kaq shume respekt per mua sa here shenoja dhe sa behesha gjithnje e me afer numrit te tij te shquar.

Faleminderit Portugali. Faleminderit të gjithë bashkëlojtarëve dhe kundërshtarëve që ma bënë këtë udhëtim kaq të paharrueshëm. Le të vazhdojmë të takohemi brenda fushës në vitet që vijnë! Unë nuk po e mbyll llogarinë vetëm ende…