Rama nuk i ndalon më ironitë për LSI-në: “E trajtojnë shtetin si...

Rama nuk i ndalon më ironitë për LSI-në: “E trajtojnë shtetin si mall pa zot”

86
0

Në një tryezë me biznesmenë të bimëve medicinale në Shkodër, Edi Rama ka folur sot sërish për LSI, edhe pse në jo mënyrë direkte, duke i përshkruar si njerëz që e shohin shtetin vetëm rroga dhe vendet e punës. Ndërsa fliste për drejtoritë në Ministrinë e Bujqësisë, Rama tha se do të kishte dashur t’i shkrinte nga 12 në 4 drejtori, por e kishin kundërshtuar aleatët. “Unë them se nuk ka nevojë për 12 drejtori në Ministrinë e Bujqësisë, ato thonë: Ne kemi kaq drejtori, ti do të na i shkrish! Unë them se nuk duhen 12 drejtori. Duhen 4. Ama bëjnë politika këto merren me njerëzit direkt Unë kam dashur ta bëj me 4. Po nuk i gjete punës njeriun nuk funksionon. Këtu është bërë, hajt t’i gjejmë njeriut punën. Shtetin këto e trajtojnë si mall pa zot, o burra të marrim njerëz në punë të na japin vota” u shpreh Edi Rama. Të pranishmit në tryezë treguan edhe barcaleta me ministrin Edmond Panariti. “Erdhi Ministri i Bujqësisë në 2015 këtu dhe tha: Merrni masa se pritet shi i madh, njësoj si ai i 2010. Përgatituni! Po mirë i thanë. Do blejmë çadra! Se aty s’kishe çfarë t’i bëje aty të gjitha kanalet e bllokueme”.

loading...