Kancelarja Angela Merkel dhe kryeministri Edi Rama qëndruan të ulur në karrige gjatë ceremonisë së pritjes së gjermanes në Pallatin e Brigadave, edhe gjatë momentit të ekzekutimit të himneve kombëtare. Shkak për këtë është bërë vetë Merkel, e cila si pasojë e problemeve me shëndetin e saj nuk mund të qëndrojë për shumë gjatë në këmbë. Rama i është bashkuar gjatë ceremonisë për të qëndruar ulur, ndërkohë që e njëjta rrugë është ndjekur dhe gjatë vizitave të tjera zyrtare të kancelares Merkel, e cila do t’i japë fund qeverisjes së saj në ditët e fundit të Shtatorit.