Degët e Partisë Demokratike në rrethe raportojnë për pjesëmarrje masive të protestuesve sot në orën 11 përpara kryeministrisë. Sipas informacioneve që kanë dërguar në qendër, nga rrethet janë nisur më shumë se 60 mijë protestues.
Sipas PD, janë nisur 9200 protestues nga Shkodra dhe 9500 protestues nga Durrësi. Qarqe të tjera me numrin më të madh të protestuesve që kanë nisur në Tiranë, janë Elbasani me 7800, Lezha me 7000, Fieri me 5600 dhe Vlora me 5000.
Ndërkohë, ish-deputetët e Partisë Demokratike dhe kryetarët e degëve në rrethe, pretendojnë se Policia e Shtetit po ushtron presion ndaj protestuesve dhe po bllokon autobusët që udhëtojnë drejt Tiranës./Opinion.al
Qarku Shkodër – 9200
Qarku Lezhë – 7000
Qarku Kukës – 4100
Qarku Dibër – 3500
Qarku Durrës – 9500
Qarku Elbasan – 7800
Qarku Berat – 3400
Qarku Fier – 5600
Qarku Vlorë – 5000
Qarku Gjirokastër – 2000
Qarku Korçë – 4500
