“Fiks Fare” ka denoncuar disa raste prostitucioni sot në disa prej lokaleve në qendër të Fierit.
Përveç prostitucionit në këto lokale mund të gjendet fare lehtë edhe drogë. Fillimisht gazetarët e infiltruar vajtën në lagjen e ” Zogut të Zi”, ku me ndihmën e bashkëpunëtorëve gjetën edhe lokalin, ku një vajzë 23-vjeçare nga një fshat i Vlorës, vinte dhe prostituonte çdo ditë.
Vajza përdorej si “karrem” kryesisht për njerëz të moshës së tretë, që vinin në këtë lokal, ndërsa pronarja thjesht merrte përqindjen e saj në fund dhe linte orarin e takimit.
Gjatë bisedës me gazetarët e Fiksit, 23-vjeçarja nga Vlora u kërkoi gazetarëve 5 000 lekë për të bërë seks në një hotel jo shumë larg lokalit ku ajo qëndronte. Pas insistimit të gazetarëve për uljen e çmimit, vajza shprehet ” me 1500 lekë është një tjetër më poshtë që punon, për kaq nuk ja vlente”.
Pas shumë insistimesh ajo pranon të ulë pazarin në 3000 lekë duke lënë takim ditën e nesërme në ora 18:00 për të kryer marrëdhënie seksuale. Ajo gjithashtu parapërgatit klientin se 3000 lekë i do ajo dhe 1000 lekë hoteli. “Totali të shkon 4000 lekë”, shprehet ajo.
Por gjatë bisedës me gazetarët vajza është shprehur se ishte përdoruese e drogës dhe se mund ta siguronte shumë lehtë atë. Ajo mund të gjente kokainë të pastër, pasi sipas saj e tregtonte një kushëriri i saj, i cili momentalisht ndodhej në Greqi. Madje ajo u tregon gazetarëve se sa kushton edhe një gram kokainë “një gram kokainë e pastër kushton 8000 lekë, e droga vjen nga Kolumbia” shprehet ajo.
/Top Channel