Europa jug-lindore, ku bën pjesë dhe vendi ynë, këtë fundqershori do të përjetojë temperatura ekstremisht të larta si pasojë e ajrit të nxehtë saharian. Pra, duke nisur nga dita e sotme deri ditën e shtunë vendi ynë do të mbetet i ndikuar nga vala e të nxehtit. Temperaturat në zonat malore do të luhaten nga 33 deri në 37 gardë në qytetin e Kukësit. Të nxehtin e jashtëzakonshëm do ta përjetojnë më tepër zonat e ulëta dhe jugu i vendit, ku pritet të regjistrohen nivele nga 36 deri në 40 gradë Celsius. Dita e diel dhe fillimi i javës tjetër do të sjellin tërheqjen totale të masave ajrore të nxehta. Pra, afrimi i masave ajrore më të freskëta veriore do të sjellë reshje të pakta shiu në zonat dhe rënie të ndjeshme të temperaturave me 10 gradë Celisus.
