Analistët Andi Bejtja dhe Baton Haxhiu patën një përplasje të fortë mbrëmjen e djeshme në emisionin “Opinion”, ndërsa po diskutonin për shembjen e Teatrit. Bejtja i mëshoi fort faktit se Teatri është një trashëgimi kulturore. Ndaj i kërkoi Haxhiut që të mos bënte debat mbi Teatrin dhe mbi të gjitha as të mos e çonte ndërmend të ishte pjesë e grupit pro prishjes së godinës.
Sipas tij, çështja e Teatrit është shumë e rëndësishme për të si një qytetar i Tiranës, dhe në mënyrë figurative iu drejtua Haxhiut duke i thënë se “për këtë edhe të vras”.
Andi Bejtja: Kjo është e qartë fare se është trashëgimi kulturore që duhet ruajtur. A ka Teatër aty brenda, a s’ka Teatër aty, a lozin aty, kjo për mua nuk ka shumë rëndësi.
Baton Haxhiu: Kjo është temë tjetër çfarë po thua ti.
Andi Bejtja: Për mua ka shumë rëndësi, dhe po të them mos hy te kjo fushë.
Baton Haxhiu: Pse?
Andi Bejtja: Sepse kemi mendim ndryshe, dhe unë të vlerësoj si qytetar dhe mos bëj gabim të mendosh si këta që mendojnë të jesh pro shembjes së Teatrit.
Baton Haxhiu: Çfarë gabimi bëra?
Andi Bejtja: Mos e bëj këtë gabim, sepse… Kjo për mua si qytetar i Tiranës ka shumë rëndësi, pasi unë për këtë edhe të vras, ta them në mënyrë figurative.
Blendi Fevziu: Bejtja thuaje edhe njëherë?
Andi Bejtja: Në mënyrë figurative. Kjo për mua ka shumë rëndësi, kështu që mos hy tek kjo fushë.