TIRANË– Policia Rrugore ka kryer kontrolle me radarë gjatë natës në rrugët interurbane dhe urbane, duke nisur që nga ora 20:00 deri në 01:00 të mëngjesit të sotëm. Gjatë vetëm 5 orëve patrullim janë ndëshkuar me heqje patente 21 drejtues mjetesh që qarkullonin me shpejtësi gati dyfish mbi kufirin e lejuar.
Nga verifikimi rezultoi se 4 prej tyre ishin debitor me mbi 5 masa administrative të pashlyera, ndërsa një automjet rezultoi i pasiguruar dhe certifikuar teknikisht. Ndërsa në pranga të Policisë ranë dy persona, të cilët drejtonin mjetin në gjendje të dehur. Madje një prej tyre, i identifikuar si R. K., 42 vjeç nga Tirana, kundërshtoi edhe Policinë në bërjen e testit.
