Paul Pogba është një nga emrat më të përfolur në këtë merkato, teksa pak kohë më parë ka deklaruar se do të largohet nga Mançester Junajtid. Largimi i tij nga “djajtë e kuq” është i pashmangshëm, dhe sipas asaj që shkruan “Diario As”, mesfushori francez është shumë pranë transferimit tek Real Madridi.
Junajtid është pranë nënshkrimit me Bruno Fernandez dhe Milinkoviç-Saviç, dhe pikërisht blerja e dy lojtarëve, pritet të financohet nga shitja e 24-vjeçarit.
Pogba ka një dëshirë të madhe për të fituar Topin e Artë, dhe mendon se vetëm tek “rojiblankos” mund t’ia arrijë. Thuhet se francezi do të ketë pagën që aktualisht mban Bejl tek Reali, pra 14.5 milionë euro në sezon.
U fol se për lojtarin interesohej edhe Juventusi, por mesfushori ka vendosur që karrierën e tij ta vazhdojë në Spanjë, nën urdhrat e një legjende tjetër franceze, si Zinedin Zidan.