Efektivi i Forcave të Ndërhyrjes së Shpejtë në Shkodër, Ardian Kodra u përcoll dje në banesën e fundit nga miq, familjarë, kolegë e drejtues të lartë të policisë së Shtetit.
Ai ra në krye të detyrës gjatë një aksioni të ndërmarrë në fshatin Torovicë të Lezhës për kapjen e një personi që kishte qëlluar me armë zjarri nga banesa e tij.
Me propozim të ministrit të Punëve të Brendshme, Saimir Tahiri, efektivi Kodra u shpall “Dëshmor i Atdheut”. Por në rrjetet sociale, një foto e makinës së policisë e cila mban në pjesën e karrocerisë dy bokse të mëdha për muzikë. Menjëherë kjo foto është ironizuar me shprehjen “Part Time Dj Dasmash”.
Gazeta “Express”, mëson nga Ministria e Brendshme për rastin në fjalë se makina e Policisë mbante pajisjet që luajtën muzikën funebre që shoqëroi për në banesën e fundit efektivin e rënë në detyrë.