Një makinë ka shpërthyer pak minuta më parë në Tiranë. Mësohet se ngjarja ka ndodhur në rrugën “Ramazan Bogdani”, ku një mjet tip Benz CLS, në pronësi të A. B ka shpërthyer në flakë.
Nga të dhënat e para nga policia bëhet me dije se shpërthimi mendohet të jetë shkaktuar nga një lëndë plasëse që i është vënë automjetit.
Ndërkohë, kjo ka shkaktuar panik te qytetarët, pasi zhurma ka qenë e madhe.
Njoftimi i plotë i policisë:
Rreth orës 07:45 në rrugën “Ramazan Bogdani” në automjetin në pronësi të shtetasit A. B dyshohet të ketë shpërthyer një sasi e dyshuar lëndë plasëse.
Si pasojë e shpërthimit nuk ka dëme në njerëz, por vetëm disa dëme materiale.
Grupi hetimor ndodhet në vendngjarje, ku po vijon punën për sqarimin e rrethanave të ngjarjes.
