Një biznesmen kinez, Wu Yang, 42 vjeçar është një nga vullnetarët që mori pjesë në vaksinimin anti Covid në spitalin Wenzhou të Kinës së bashku me gruan e tij dhe ka folur për ndikimin që ka pasur në trupin e tij.
Pasi kreu vaksinën Sinovac në Kinë, u kthye në Itali pasi prej vitesh jeton në Prato. Në një intervistë për median italiane “La Nazione”, Yang rrëfeu se shumë kinezë që jetojnë në Itali zgjodhën të paguanin 4 mijë euro për të udhëtuar drejt Kinës.
“Në muajin mars kur kishte shpërthyer epidemia në Itali, së bashku me gruan dhe fëmijët u kthyem në Wenzhou në qytet me 3 milionë banorë në provincën e Zhejiang. Po ndiqnim me vëmendje atë që po ndodhte në Wuhan dhe menduam se edhe këto do të ndodhte e njëjta gjë dhe u kthyem në Kinë”, tha Wang.
Në muajin gusht ai fut në listë për t’u regjistruar si vullnetar për vaksinën Sinovac. Ai u thirr menjëherë, pasi Pekini u jep përparësi njerëzve që duhej të ktheheshin në Evropë për punë. Menjëherë pasi u vaksinua, ai u kthye në Itali, por fëmijët i la në Kinë pasi vaksinën e bëjnë vetëm moshat 18 dhe 60 vjeç.
“Vetëm njerëzit midis 18 dhe 60 vjeç mund t’i nënshtrohen vaksinimit, i cili ishte në një fazë eksperimentale në shtator,” shpjegon Yang, duke deklaruar se ai është mirë dhe nuk ka pasur ndonjë efekt anësor.