Ditën e djeshme, të ftuarit në emisionin “Rudina”, nuk ishin prezentë në studio, sepse dyshojnë se janë prekur nga Covid-19.
Intervista me Mihrije Brahan dhe Naim Abazin u zhvillua nëpërmjet lidhjes me “Skype”.
Dyshja është karantinuar në shtëpi, duke pritur rezultatin e tamponit, për shkak të disa simptomave që Naimi ka shfaqur.
Rudina Magjistari: Më vjen keq që nuk erdhët në studio, çfarë ka ndodhur?
Naim Abazi: Ju e dini që unë jam doktor dhe vura re disa shenja dhe u frikësova se mos kam Covid dhe akoma nuk e di saktë.
Rudina Magjistari: E ke bërë tamponin?
Naim Abazi: E kam bërë dhe pres rezultatin.
Rudina Magjistari: Cilat janë simptomat e para Naim, çfarë po ndjen?
Naim Abazi: Unë kisha një kollitje të lehtë, e cila tani ka ndaluar. Por, tani është periudhë Covidi dhe duhet të jemi të kujdesshëm. E patëm frikën se nëse na i japin rezultatin qoftë edhe në momentet që jemi tek ju, nuk do ishte mirë. Me shumë dëshirë do vinim sot në tiranë.
Mihrije Braha: Na ka marrë malli.
Rudina Magjistari: Mihrije, ti ke qenë mirë? Ke pasur ndonjë simptomë?
Mihrije Braha: Mendoj që edhe unë kam disa simptoma si Naimi, por nuk e kam bërë tamponin akoma. Shohim e bëjmë. Po presim një herë përgjigjen e Naimit.