Pjesëtarë të forcave paqeruajtëse të OKB-së në Mali. Një ushtar i forcave paqeruajtëse të OKB-së u vra ditën e djeshme, ndërsa 4 të tjerë u lënduan gjatë patrullimit në Mali.
Pjesëtarët e ‘’Kaskave Blu’’ u goditën në dy incidente të ndryshme. Një ushtar nga Çadi vdiq kur automjeti me të cilin ata po udhëtonin shkeli një minë tokësore në Aguelhok, qytet të veri të Malit. Bashkë me të u lënduan dhe 3 bashkëkombasit e tjerë.
Incicenti i dytë ndodhi kur një ushtar i OKB-së nga Togo u godit me armë zjarri nga një person i paidentifikuar. OKB-ja njofton nëpërmjet një komunikate zyrtare se të plagosurit janë lënduar shumë nga sulmet.
Mali është njëra nga zonat e konfliktit ‘’më të nxehta në botë’’, ku deri në gusht kanë rënë në krye të detyrës 200 pjesëtarë të forcave paqeruajtëse të OKB-së.
