Ndërrimi i gjakut në muajin mars, çfarë shkakton në trupin tonë?

Ndërrimi i gjakut në muajin mars, çfarë shkakton në trupin tonë?

813
0

Ndryshimet stinore ndikojnë në ritmin biologjik të organizmit të njeriut. Trupi dhe truri janë të parët që përjetojnë ndryshimin e stinëve. Ato shoqërohen me rritje të temperaturave, zgjatjen e ditës dhe ndryshimin e mënyrës së të ushqyerit. Trupit të njeriut i duhet kohë për t’u përshtatur me këto ndryshime. Kjo është arsyeja pse njerëzit ankohen shpesh për lodhje të tepruar, këputje, mungesë përqendrimi. Shenjat e mësipërme janë më të theksuara në persona që vuajnë nga sëmundje të ndryshme, organizmi i të cilëve jo gjithnjë i përballon aq lehtë. Në fakt kjo shihet si një periudhë tranzicioni në të cilën i gjithë organizmi i njeriut bën përpjekje për t’u ambientuar me stinën që vjen. Ardhja e pranverës ka edhe pasoja negative. Sistemi që preket më shumë është ai kardiovaskular. Mekanizmi është shumë i thjeshtë, pasi të gjithë e dinë se nga të ftohtit trupi i njeriut tkurret. Për pasojë dhe enët e gjakut.

 

Duke pasur një seksion më të ngushtë në venat e gjakut, ndodh rritja e tensionit mbi vlerën normale. Aty ku venat e trurit ose të zemrës janë të ngushtuara ose të dobëta ndodhin infarktet.

 

Po ashtu duke u rritur tensioni, venat e gjakut çahen. Prandaj këshillohet që ata që vuajnë nga sëmundje të sistemit kardiovaskular të bëjnë një vizitë që në fillim të stinës.