Nderime martirëve të lirisë në malin Kolaj../Nga : Gëzim Vuçaj

Nderime martirëve të lirisë në malin Kolaj../Nga : Gëzim Vuçaj

1095
0

Dy kanë qënë organizatorët e takimit perkujtimor në nderim të të pushkaturve gjatë përiudhes komuniste të viteve 1945-1990 , Fondacioni “Nik Zef Beqi”, me qëndër ne Neë York – USA dhe Komisioni Drejtësi dhe Paqe , Shkodër . Në këtë tubim përkujtimor ishin të pranishëm familjarë të martirëve të lirisë , të afërm , përfaqësues të pushtetit vendor ; si kryetarja e Bashkisë Voltana Ademi , Deputeti i Kuvendit të Shqipërisë Tom Doshi , Presidenti i Unionit të ish të persekutuarve politik Besim Ndregjoni , përfaqësues të komuniteteve fetare e të tjerë . Fllimisht kjo ceremoni përkujtimi , është vijuar me mbajtjen e një meshe rasti kushtuar kësaj ngjarje , këtyre trimave të pushkatuar nga regjimi gjakatar komunist . Mesha është celebruar nga famulltari i zonës Dom Marjan Gegaj .

Mjaftë interesante dhe do të thonim tepër kuptim plotë ka qënë edhe përsëndetja e Haxhi Fejzi Zagonjari , Imam i Xhamisë Rus . Ku ndër të tjera të dy Klerikët kanë vlersuar misionin e tyre në shërbim të paqes dhe mirëkuptimit vëllazërorë të besimtarëve. Ndërsa kryetarja e Bashkisë Shkoder Voltana Ademi , në fjalën e saj përshëndetëse ka vlersuar aktin burrëror të këtyre martirëve dhe kërkohet që shembulli i tyre të mos harrohet kurrë nga brezat e sotëm dhe të nesërm . Aktivitetin  kushtuar këtyre martirëve , këtu në Malin Kolaj e kanë përshëndetur edhe Mon Sinjor Angjelo Masafra , arqipeshkv i dioqezes Shkoder – Pult si dhe përfaqësues të komisionit Drejtësi e Paqe . Ndërkohë që Kadri Fikaj në një studim enkas për këtë ngjarje ka sjellë në qendër të vëmëndjes episode nga më makabret e kryera nga regjimi komunist pikërisht ndaj këtyre martirëve . Në emër të fondacionit “Nik Zef Beqi” shumë shkurt , por qartësisht dhe shpirtërisht ka përshëndetur Pjeter Beqi i cili ka falenderuar pjesmarrësit në këtë ditë perkujtimi për të rënët.

TOM DOSHI : PËRSHËNDET DHE TREGON EDHE LIDHJET ME PREK CALIN

Teksa është ndalur në fjalën e tij para pjesmarrësve në këtë tubim kushtuar këtyre të rënëve , këtu në Malin Kolaj , ku një pjesë e tyre jane të afërm të deputetit , Tom Doshi ka falenderuar të gjithë pjesmarrësit , por krahas kësaj ka folur edhe për të gjithë ata që duan të mos i’a njohin për kushri edhe Prek Calin . “Babai im”,- është shprehur Tom Doshi para hetuesisë së regjimit komunist , teksa i kanë rreshtuar një numër ish të persekutuarish politik , u ka thënë hetuesve: -“Mos harroni krahas këtyre , unë kam kushri edhe Prek Calin . Ndaj kur se ka mohuar im atë në atë kohë , duhet ta mohoj unë? Prandaj kulla e tij do të ndërtohet.” Ka përfunduar deputeti Tom Doshi.

MË BËJ NJË FOTO . . .

Ndersa sebashku me operatorin e TV Kopliku , Zamir Mustafa , kemi regjistruar të plotë këtë veprimtari , për të përgatitur një speciale të zgjeruar. Krahas filmimit me kamer , jo  pak nga të pranishmit kanë kërkuar t’u bënim edhe foto . Është kjo një arsye e bukur dhe domethënëse , për të fokusuar si kujtim me njëri-tjetrin këte ditë e cila mbahet mend gjatë nga shumë prej pjesmarrësve . Ja , këto familje që diktatura nuk u kurseu as gjakun e tyre , duke i vrarë e pushkatur , sot të gjithë bashkë në biseda , sjellin kujtimet e të afërmeve të tyre të pushkatuar. Deputeti Tom Doshi , si njeriu që është mishërues tipik i fisnikërisë së malësorit dhe për më tepër i derësë së madhe të Prek Calit , për këta familjarë mbetet një illull . Ndaj fotot nuk mungojnë me deputetin . Me njeriun e fjalës , me njeriun që u jep zemër këtyre burrave dhe grave se një ditë si kjo është ditë e madhe e nderimit dhe vlersimit. Ndaj kërkesa , na e bëj një foto ka vazhduar gjatë nga këta njerëz të mirë , njerz që dinë vetëm të falin paqe dhe dashuri.