Milan kërkon edhe një përforcim në mbrojtje. Mateo Musacchio iu bashkua Milanit gjatë këtij afati kalimtar të verës nga Villarreal. Por, ardhja e tij nuk i zgjidh të gjitha problemet në mbrojtjen e klubit nga San Siro. Mediat italiane raportojnë se trajneri Vincenzo Montella ka identifikuar një objektiv të ri, përcjell “lajmi.net”. Milan është i interesuar për transferimin e Gonzalo Rodriguez, i larguar së fundmi nga Fiorentina dhe ende pa klub për sezonin e ardhshëm. Rodriguez ka oferta nga Lazio, Olympiacos dhe Racing në Amerikën e Jugut.