Pas paralajmërimit të fortë të zv.kryeministrit Erion Braçe, për opozitën dhe qytetarët, se në 30 qershor do ketë jo vetëm burg, por edhe izolim të përjetshëm, ka reaguar analisti i njohur Mustafa Nano.
Teksa e cilëson si të rëndë dhe të papranueshme gjuhën e përdorur prej Braçës, Nano shkruan se qeveria po përpiqet që të frikësojë njerëzit.
Sipas tij, në nenin 38 të Kushtetutës, përcakotohet qartë lëvizja e lirë e qytearëve dhe nuk ju takon qeveritarëve të paracaktojnë dënimin e njerëzve.
“Zoti zv. kryeminister, gjuha qe ju perdorni është tepër e rëndë dhe e papranueshme. Kush jeni ju të thoni që njerëzit do i presi izolimi i perjetshëm? Pse perpiqeni të frikesoni njerëzit me genjeshtra të tilla? Ku bazohet ky motiv izolimi kur neni 38 i Kushtetutes shprehet qartë që askush s’mund te pengohet te dalë lirisht jashtë shteti? Nuk ju takon juve te vendosni apo te paracaktoni dënimin e njerëzve apo te bëni Kasandren nëper rrjete sociale duke parashikuar te ardhmen”, shkruan Nano në rrjetet sociale.