Ministrat e rinj, Kuvendi sot në seancë të jashtëzakonshme

Ministrat e rinj, Kuvendi sot në seancë të jashtëzakonshme

173
0

Kuvendi pritet të mblidhet sot në orën 17:00 në një seancë të jashtëzakonshme për të shqyrtuar dekretet e Presidentit Meta për shkarkimin e 6 ministrave dhe zëvendëskryeministres, si dhe për emërimin e 7 ministrave dhe zëvendëskryeministrin. Mbledhja e seancës së Kuvendit vjen pak ditë pas ndryshimeve që ndodhën në kabinetin qeveritar dhe është kërkuar nga kryeministri Edi Rama dhe kryetari i Kuvendit, Gramoz Ruçi. Sipas kalendarit të punimeve të Kuvendit, mbledhja e parë për këtë vit duhet të niste në datën 21 janar. “Bazuar në nenin 74, pikat 2 dhe 3 të Kushtetutës dhe në nenin 42, pika 2 të Rregullores së Kuvendit, me kërkesë të Kryeministrit, njoftojmë se Kuvendi i Shqipërisë do të mblidhet në sesion të jashtëzakonshëm. Kryetari i Kuvendit ka nxjerrë urdhrin nr. 1, datë 15.1.2019 me rendin e ditës të përcaktuar”, thuhet ne njoftimin e Kuvendit për mbledhjen e seancës.

 

Kujtojmë se kryeministri Edi Rama nga mbledhja e Kryesisë së PS vendosi që të propozonte veten në postin e ministrit të Jashtëm. Ky vendim erdhi pas refuzimit nga Meta të emrit të Gent Cakajt në postin e kryediplomatit.

 

LISTA ME NDRYSHIMET:

Iiken Arben Ahmetaj, vjen Anila Denaj

Iken Damian Gjiknuri, vjen Belinda Balluku

Iken Mirela Kumbaro, vjen Elva Margariti

Iken Lindita Nikolla, vjen Besa Shahini

Iken Sonila Qato, vjen  Eduard Shalsi

Iken Niko Peleshi, vjen Bledi Çuçi

Iken Senida Mesi, vjen Erion Braçe

loading...