Mesazhi i Metës në Ditën e Rinisë: Koha për restart, për ta...

Mesazhi i Metës në Ditën e Rinisë: Koha për restart, për ta bërë Shqipërinë, si gjithë Europa

169
0

Presidenti Ilir Meta ka dhënë gjithashtu një mesazh në 30 vjetorin e Ditës Kombëtare të Rinisë. Me anë të një postimi në rrjetet sociale Meta i ka shprehur mirënjohjen Azem Hajdarit dhe atyre djemve e vajzave, të cilët u përplasën të parët me dhunën e regjimit, duke frymëzuar një popull të tërë për kryengritje paqësore. Ndër të tjera Kreu i Shtetit shprehet se tani është koha për restart, dhe që Shipëria të bëhet si gjithë Europa.

 

Postimi i plotë i Metës:

 

Gëzuar 8 Dhjetorin 1990!

 

Të bekuarën Ditën Kombëtare të Rinisë, Ditën e Studentëve, Ditën e Misionarëve që vranë frikën për të ndezur Pishtarin e Lirisë dhe Demokracisë në vendin e shqiponjave!

 

Sot përulemi me mirënjohje të veçantë ndaj Lidershipit Heroik të Azem Hajdarit dhe atyre djemve e vajzave, të cilët u përplasën të parët me Dhunën e regjimit, duke frymëzuar një popull të tërë për kryengritje paqësore.

 

Nderojmë shpërthimin e vullkanit të guximit marramendës rinor për të përmbysur regjimin më të ashpër izolues dhe shtypës në kontinent, por ndihemi dhe po aq borxhlinj që në tre dekada nuk kemi bërë aq sa duhet për të qenë aty ku e meritonin sakrificat e tyre.

 

KOHA PËR RESTART!

 

Për rivendosjen e Demokracisë dhe Llogaridhënies!

 

Për ta bërë Shqipërinë, si gjithë Europa!

 

Unë besoj shumë në shpirtin energjik të të rinjve të Shqipërisë dhe në fuqinë e aftësive të tyre për ta transformuar dhe përmirësuar cilësisht të ardhmen e popullit tonë.

 

KOHA PËR RESTART!

 

Për të guxuar! Për t’u bashkuar! Që Rinia të marrë në dorë fatet e saj dhe të mbarë vendit!

 

Nëse jo Rinia, kush tjetër? Nëse jo sot, kur?

 

DO T’IA DALIM ME SUKSES SEPSE NUK KEMI RRUGË TJETËR! ??