Ndonëse po përflitet për një pjesëmarrje në Festivalin e Radio Televizionit Shqiptar, këngëtarja e njohur Elvana Gjata duket se ka një këngë të preferuar edhe në ‘Kënga Magjike’.
Pak orë më parë, ajo ka publikuar në Instastory një video, ku paraqitet kënga ‘Histori’ e Besa Kokëdhimës.
Megjithatë si të mos mjaftonte me kaq, Elvana e ka përshkruar edhe me një fjali të shkurtër, por që thotë shumë: ‘Më e mira nga ti. ‘Histori’ kryevepër’.
Përveç mbështetjes publike që Gjata i ka dhënë Besës, ato janë mikesha të ngushta prej vitesh.
Shpeshherë edhe në rrjetet sociale, vajzat publikojnë foto së bashku.