“Lule borë”, koncerti i “Albanian Excellence” mbyll me sukses turin në disa...

“Lule borë”, koncerti i “Albanian Excellence” mbyll me sukses turin në disa qytete

80
0

Pogradeci, Dibra e Madhe dhe Korça u mbushën me tingujt e koncertit “Lule Borë”, në këtë fillim qershori, nga datat 6-10, duke sjellë për artdashësit, por edhe turistët e vizitorët këngët korçare, pogradecare dhe ato dibrane në një dimension tjetër, të kthyera në origjinalitetin e tyre. Ky koncert, i ideuar dhe realizuar nga Flora Nikolla, presidente e Albanian Excellencë, startoi mbëmjen e 6 qershorit në Odeonin e qytetit të trëndafilave, në Pogradec, në kuadër të  çeljes se sezonit turistik, me pjesmarrjen  e personaliteteve të larta politike, dhe njerëzve të njohur të artit dhe të kulturës të këtij qyteti.

 

Kuinteti  “Albanian Excellence”, i përbërë nga personalitete të muzikës instrumentale si dhe muzikës operistike si: Smerald Spahia (violinë-Spanjë), Eritan Kamolli(violinë-Shqipëri)  Blerim Grubi (  violë-Maqedonia e Veriut), Gëzim Belegu(violonçel-Shqipëri), Altin Tomaj (fizarmonikë-Shqipëri) interpretuan këngë të orketruara nga mjeshtri Shpëtim Saraçi.  Solistë të këtij koncerti ishin Eva Golemi, soprano e parë në Tetarin e Operas dhe Baletit ne Tirane, dhe nga Nju Njorku, bariton Kreshnik Zhabjaku. Nën moderimin e gazetarit të njohur Rezear Xhaxhiu, publiku i Pogradecit shijoi, këndoi bashkë me solistët, dhe duartrokiti për gati dy orë muzikën e mirëfilltë shqiptare.

Koncertit i parapriu çelja e eksopozitës së piktores shqiptare me banim në Kroaci Lena Marku,  dhe nga një seri karikaturash të  karikaturistit të njohur, Agim Sulaj të cilat u prezantuan në bienalen e parë të karikaturës ndërkombëtare “Niko Nikolla”, zhvilluar vitin e kaluar në qytetin e Pogradecit. Në këtë ceremoni u shpall edhe tema e Bienales së dytë të karikaturës për vitin 2022 që do të jetë “EuroHumor”. I ftuar nderi ishte gazetari i njohur Italian , Gianni Martini , ndersa për të realizuar karikatura çasti , ishte Endri Beqo, pjesë e  Binellaes Nderkombëtare rë Karikaturës.

Më 8 qeshor, Koncerti “Lule Borë”, udhëtoi drejt Dibrës së Madhe në Maqedoninë e Veriut. Nën moderimin e gazetares Eglantina Alliaj, në pallatin e Kulturës në këtë qytet, artistët interpretuan këngët qytetare të Pogradecit, Korçës dhe Dibrës së Madhe. Të pranishëm në koncert ishin kryetari i Komunës Dibër e Madhe, Hekuran Duka, zyrtarë të lartë të kësaj komune, si dhe personaliteteve nga fusha të ndryshme, të artit, kulturës etj. Bashkëpunimi mes Albanian Excellencë dhe Komunës Dibër e Madhe u finalizua me nënshkrimin e një memorandumi 2 vjeçar.

 

Koncerti i fundit në pjesën juglindore të vendit u zhvillua në Korçë. Moti i keq bëri që planet të ndryshojnë dhe teatri “Andon Zako Çajupi” të shërbejë si skenë për të sjellë këngët korçare, pogradecare dhe ato dibrane.

Nen moderimin e aktores Zamira Kita, Drejtore e Teatrit “Andon Zako Çajupi”, Koncerti “Luleborë”,  arriti të rikthejë përsëri në karriget e teatrit publikun korçar, pas një mungese për më tepër se një viti e gjysmë.

Producentja e koncertit “Lule Bore”, Flora Nikolla u shpreh se qëllimi ka qenë që këngët qytetare te kthehen në origjinalitetin e tyre, ndërkohë që koncerti do të mbahet në gjithë trevat shqiptare, me këngët tradicionale të çdo treve.  “Jam e lumtur që ideova dhe realizova një tur koncertesh, ku arritëm të sjellim në një dimension të ri këngën qytetare korçare , poradecare dhe të Dibrës së Madhe. Sigurisht besoj se ky mision që nisa do të vijojë në pjesë të tjera të hapësirës mbarëshqiptare duke arritur një hapësirë të një niveli të ri për muzikën shqiptare. Një vlerësim për maestro Shpëtim Saraçi, i cili me orkestrimet e tij, arriti t’i japë një frymëmarrje të re dhe plot kulturë këtyre këngëve”-u shpreh Flora Nikolla. Pas duartrokitjeve të publikut korçar sopranoja, Eva Golemi dhe baritoni, Kreshnik Zhabjaku u shprehën të lumtur për këtë koncert.  “Salla ishte plot, ne u kënaqem pafund. Një publik fantastik, mikpritës. Unë e kam shijuar shumë dhe jam kënaqur pafund, mbas gjithë kësaj periudhe të vështirë që kemi kaluar”, u shpreh Golemi. “Rikthimi” në normalitet është një ndjesi e re për neve, pas një viti e gjysmë të pandemisë. Për mua ishte një emocion më i madh, e falënderojmë Korçën dhe publikun e dashur të Korçës”, tha Zhabjaku nga ana tjetër.

Jo vetem muzike, por edhe humanizem

Në kuadër të iniciativës  humanitare globale të ndërmarrë nga Albanian Excellence, “Fëmijët ardhmëria jonë”,  artistët u njohën nga afër me nxënësit në klasat e muzikës dhe vizatimit, në Korpusin  Hehemiah Gateway  në Buçimas. Për artistët shqiptarë të ardhur në Pogradec, takimi me këta fëmijë ishte një emcion në vete, duke premtaur se bashkëpunimi me ta do të vazhdojë. Dhe me koncertin “Lule Borë” kushtuar fëmijëve romë, artistët do e mbyllnin mbrëmjen e 7 qershorit.