Në përfundim të audiencës së përgjithme, mbajtur të mërkurën në prag të Festës së madhe të Krishtlindjes, Papa Françeku u drejtoi përshëndetjen e tij të përzemërt gjithë besimtarëve. Duke u ngjarë barinjve – i ftoi Ati i Shenjtë besimtarët – vraponi edhe ju drejt Shpellës së Shenjtë: “Jezusi ju pret për t’ju dhuruar dritën e Tij e paqen e tij. Ai dëshiron ta pasurojë jetën tuaj me dashurinë e Tij, me hirin e Tij”.
Më pas mendimi i Papës shkoi atje ku jeta vret më shumë, ku dhemb më shumë, por edhe ku gëzon më shumë e ngadhënjen më shumë:
“Mendimi im – kujtoi – shkon tek pleqtë, tek të rinjtë, tek të sëmurët e tek çiftet e reja! Gatishmëria e plotë e Marisë e bujaria e palëkundur e Jozefit, qofshin shembull për pritjen e Krishtit Fëmijë në misterin e Lindjes së Tij”.
Në përfundim, të gjithëve urimi: “Ju uroj Krishtlindje të shenjtë. Krishtlindje gëzimi e paqeje”.
