Thellohen përplasjet Rusi-Amerikë.
Ambasadori rus në SHBA Anatoly Antonov i cilësoi të papranueshme deklaratat e senatorit amerikan, i cili u bëri thirrje rusëve që të vrisnin Vladimir Putin.
Antonov tha se kjo tregonte se rusofobia dhe urrejtja në Shtetet e Bashkuara ndaj Rusisë kishte dalë jashtë çdo parashikimi dhe pohoi se Lindsey Graham de fakto po mbronte një akt terrorizmi për të çuar përpara qëllimet politike të Uashingtonit.
Moska ka paralajmëruar se ‘ishte e frikësuar për të ardhmen e kombit amerikan’, duke pasur parasysh se njerëz si senatori janë në krye të saj, shtoi diplomati rus.
