Ditën e Vitit të Ri, u bë i ditur lajmi tronditës se aktori i njohur, Jeremy Renner ishte në gjendje kritike për jetën pasi u godit nga një borëpastruese, pasi ai po ndihmonte një familjar të nxirrte makinën e tij nga bora.
Aktori 52-vjeçar u dërgua me helikopter në spital dhe të afërmit e tij shpjegojnë se ai “pothuajse vdiq” dhe se mund t’i duhen “dy vite” për t’u shëruar plotësisht.
Ky aksident i ka shkaktuar atij një dëmtim të madh të kraharorit dhe lëndime të rënda nga të cilat do t’i duhet shumë kohë për t’u shëruar. Ai u shtyp nga një borëpastruese që është rreth 6500 kilogramë. Për fat të mirë ka vetëm një lajm të mirë për aktorin që luan rolin e ‘Hawkeye’ në botën Marvel. Ai tashmë është jashtë ICU dhe ndodhet në shtëpi ku tashmë është në qetësinë e plotë me rehabilitimin e gjatë.
Vetë Jeremy Renner i cili ka postuar një foto në Instagramin e tij në të cilën shihet në një shtrat ndërsa një fizioterapi i bën masazh.
“Stërvitjet në mëngjes, rezolutat ndryshuan të gjitha këto vite të reja të veçanta…. I lindur nga tragjedia për të gjithë familjen time, dhe i përqendruar shpejt në bashkimin e dashurisë vepruese. Dua të falënderoj të gjithë për mesazhet dhe kujdesin e tyre për familjen time dhe mua…. Shumë dashuri dhe vlerësim për të gjithë ju. Këto 30 plus kocka të thyera do të shërohen, do të forcohen, ashtu si thellohet dashuria dhe lidhja me familjen dhe miqtë. Dashuri dhe bekime për të gjithë ju. “
