Edhe pse nuk e fitoi çmimin Donald Veshaj bën një reagim të papritur.
Aktori ka vendosur që në një farë mënyre tu kthejë paratë të gjithë shqiptarëve që e kanë mbështetur e votuar për aq kohë sa ai ishte brenda shtëpisë së Big Brother VIP. Përmes një videoje Donaldi shprehet se do të ndërtojë katër shtëpi me vlerën 100 mijë euro, aq sa ishte edhe çmimi i madh që e rrëmbeu balerini Ilir Shaqiri.
Ai dëgjohet të thotë se kjo është një formë për t’i kthyer kombit shqiptar të gjitha paratë që kanë harxhuar për të votuar atë. Donaldi ka ftuar edhe Shaqirin që t’i bashkohet nismës së tij.
“Jam munduar që nga dje kur mbaroi Prime që të bëja një video për ju. Nuk e di si t’i falenderoj të gjithë ata njerëz që më kanë mbështetur, kan qenë shumë, realisht shumë. Nuk e kam përjetuar kurrë këtë ndjesi kur njerëzit të mbështesin, duke harxhuar lekët e eurot të tyre për një fitore që unë nuk e mora, unë vërtetë nuk e fitova çmimin e madh, por ato 100 mijë euro do t’i shtoj vetë për të ndërtuar katër shtëpi për njerëzit në nevojë, dy në Shqipëri e dy në Kosovë. Do të doja të ftoja edhe fituesin, të cilin e uroj. Do të doja të më mbështeste në këtë nismë për të ndihmuar këtë komb. Ju përshëndes të gjithëve,”- thotë Veshaj pa shtuar asnjë koment në lidhje me tensionet që shoqëruan spektaklin e një nate më parë.
Konkretisht, binjakët Veshaj janë parë të përplasen me produksionin. Ata nuk kanë pranuar të qëndrojnë në festën e organizuar nga BBV por janë larguar bashkë me këngëtaren Beatrix Ramosaj. Sot, Romeo ka fshirë edhe videon e promos së emisionit “Më lër të flas” që ishte programuar të realizonte me Donaldin.
