Komisar Rustem Dervishi, shefi për Krimet në Komisariatin e Policisë Nr.1, në Drejtorinë Vendore të Tiranës është pezulluar nga detyra për një periudhë 30-ditore. Shkak u bë dalja e disa bisedave që ai kryen me efektivë të tjerë të policisë për një vajzë të shpallur në kërkim. Gjuha e përdorur prej tyre është konsideruar si e padenjë dhe mjaft seksiste.
Rustem Dervishi: Kjo vajzë është larguar nga banesa dhe nëse konstatohet të shoqërohet në Komisariatin më të afërt.
Ina: Çfarë vit prodhimi është shef?
Rustem Dervishi: Modeli i fundit duket
Petrit Hala: Shikoje Ina nga parakolpi
Ina: Si urdhëron shef! Fshati që s’ka nevojë për kallauz!
Petrit Hala: Fshati që duket që nuk ka nevojë për drita
Rustem Dervishi: (bisedë e fshirë) 24 -02—2005 shkurt
Petrit Hasa: Do pyetur ata punëtorët e atij lokalit që kishin sot për kallëzim, mbase e kanë parë
Ina: Ahh jo shef subjekti në fjal nuk lëviz nëpër ato zona! Ka direzione të sakt me objektiva t’qarta për jetën.
Pas daljes së bisedave ka reaguar Drejtoria e Standardeve Profesionale në Drejtorinë e Përgjithshme të Policisë së Shtetit që ka marrë masën ndaj Dervishit. Ai akuzohet për shkelje të rëndë disiplinore, të parashikuar nga neni 204 i rregullores së Policisë së Shtetit. Drejtoria e Standardeve Profesionale në Policinë e Shtetit, nën drejtimin e AMP-së thotë se vijon punën për kryerjen e një hetimi të plotë administrativ për këtë rast.
Një prej policeve që komenton tek “shefi” është edhe Ina Nuka, efektivja e cila mori vëmendje publike kur u plagos rëndë në gishtat e dorës gjatë një proteste të banorëve të Astirit dhe më pas u takua edhe me kryeministrin Rama i cili në shpërblim i puthi duart dhe e vizitoi pas ndërhyrjes së kryer në dorë.
