Blogerja Sarah Berisha ka vendosur që të mos nxitohet në lidhje me Pajtimin (Dj PM), pasi konkurrenti i “Big Brother VIP” i shprehu hapur pëlqimin. Ajo i tha djalit nga Kosova se nuk ka ardhur në këtë lojë për të gjetur një partner.
Por, pas ardhjes së Antonela Berishës, ish-konkurrentes së “Për’puthen” brenda shtëpisë më të famshme në Shqipëri, duket se gjërat po ndryshojnë. Kur Antonela pyeti nëse ka shtrat të lirë për të, ishte Pajtimi dhe Arbri ata që iu përgjigjën.
Krevati i Pajtimit ndodhet pranë atij të Donaldit dhe të Sarës. Gjatë bisedës, artisti iu drejtua Donaldit me fjalët: “E kam dashninë afër”.
Kjo “deklaratë” nxiti Sarën që të reagonte, duke nënkuptuar se deri në atë moment, besonte se ishte ajo arsyeja pse Pajtimi zgjodhi të flinte në atë krevat.
Pjesë nga biseda:
Antonela: A flini afër me krevate?
Arbri: Jo. Kur kemi ardh ne, kanë qenë vetëm dy shtretër të lirë, kanë qenë larg njëri-tjetrit.
Pajtimi: E kam dashninë afër (i drejtohet Donaldit).
Arbri: Edhe dashninë tjetër (i drejtohet Sarës).
Sarah: Pse për Donaldin ke ardh aty ë? Ë, maskara! Ik fli me Donaldin tani!
Berisha pranoi pak ditë më parë se stepet në raport me Pajtimin edhe për shkak të opinionit të publikut. Ajo nuk dëshiron që të tjerët të mendojnë se po qëndron pranë Dj PM vetëm për lojë.
Nga ana tjetër, Pajtimi vendosi që të distancohet pak nga blogerja, sepse nuk dëshiron që t’i ushtrojë trysni, e në këtë mënyrë arrin të kuptojë edhe nëse ajo ka apo jo një pëlqim për të. Pavarësisht kësaj, ai pranoi se dëshira për ta puthur blogeren, nuk i ka ikur.
