Kryeministri Edi Rama reagon për rritjen e çmimit të naftës, benzinës dhe gazit, në ditët e fundit.
Rama ka replikuar me një qytetar në rrjetet sociale duke i thënë se çmimet rriten kudo, si në Shqipëri, Kosovë e vende të tjera e se është diçka normale që ndodh.
Kreu i qeverisë shton se edhe rrogat rriten, por këto të fundit nuk shkojnë përtej mundësive, pasi rrezikohet falimentimi.
“Rritja e cmimeve eshte nje problem i pergjithshem sot, mjafton te shihni Kosoven per te mos shkuar me larg, nderkohe qe sic kam premtuar ne po mbajme me shume kosto per buxhetin, mburojen mbi cmimin e energjise per konsumatoret familjare e biznesin e vogel, qe kudo ka kercyer e po kercen lart!
Sa per rrogat ato jane rritur e do vazhdojne te rriten, por rritja e rrogave nujk behet sipas deshires sone, pasi une i pari do doja t’i rrisja menjehere te gjitha, por cdo rritje jashte mundesive, do te thote falimentim total ne pak muaj si ne kohen e Sudes, prandaj duhet pune e durim, per t’u ngjitur me kembe ne toke s’ka asnje rruge tjeter te sigurte”, përgjigjet kryeministri Edi Rama.
Dy ditët e fundit, çmimi i naftës është rritur ndjeshëm, duke shkuar gati 200 lekë, aq sa nuk e ka asnjë vend tjetër në Europë.
