Në puntatën e sotme të reality show-t shumë të ndjekur në Shqipëri, Big Brother, u diskutuan edhe thashethemet e banorëve me njëri-tjetrin, paçka se kanë vetëm tre ditë që qëndrojnë brenda kësaj shtëpie.
Mikela, ish-konkurrentja e Përputhen ishte në qendër të klipit të Vëllait të Madh, teksa diskutonte për disa nga banorët, por jo vetëm. Edhe gazetari Ronaldo Sharka e gazetarja Zhaklina Lekatari kishin bërë disa thashetheme brenda rulotit të tyre.
Mirëpo, në diskutimin pas klipit mes banorëve, Ronaldo dhe Mikela i ngritën zërin njëri-tjetrit, pasi gazetari, në klipin e shfaqur nga Vëllai i Madh thonte se e nxirrte nga vetja me dy pyetje ish-konkurrenten e Përputhen.
Ronaldo: Me Mikelën kam dashur të merrem se asaj i pëlqen të ngrejë zërin , më duket interesante, s’kam asgjë me të por vëmendja nuk merret duke ngrit zërin. Por nuk i kam kërkuar kurrë intervistë.
Mikela: E ke bërë, por nejse.
Ronaldo: Ule zërin se tregon mungesë besimi
Mikela: Kështu e kam zërin, mos bëj kot zhurmuesin.
Tea: Paska një lloj nënvlerësimi për ne të ish-përputhen. Me Ronaldon kam folur se di pse e ka këtë mendim.
Ronaldo: Tani këtu mendimet ndryshojnë gjithnjë, mos u nxitoni. Unë mendoj që ajo do e djegë Efin.
Herion: unë prisja dhe më shumë se aq, nejse ajo atë që ka e thotë, por zërin duhet ta ulë.
