Në “Ftesë në 5”, të ftuar të ndryshëm kanë folur për gjëndjen e Fifit duke ngritur pyetjen nëse ajo duhet të dalë apo jo nga shtëpia e BBV.
Sheila, ish banore e BBV, u shpreh se mendon që Fifi duhet të dalë për të mirën e vet. Ajo u shpreh se banorët e tjerë janë të penalizuar dhe të kushtëzuar nga prania e Fifit. Ajo vet është ndjerë pikërisht kështu. Unë e dua Fifin tha ajo, nuk bëhet fjalë për lojë e karrierë por për shëndetin e saj.
Mendimi i një regjisoreje mes të ftuarve, ishte se vendimi u përket prindërve të Fifit duke u shprehur se ata duhet të vendosin nëse Fifi duhet të rrijë apo të dalë. Janë të vetmit që mund të vlerësojnë situatën, tha ajo.
Mendimi i Elton Saraseli, opinionist ishte se “Fifi ka marrë vëmendjen e banorëve të tjerë duke i kufizuar. Mua më lind e drejta të dyshoj se luajti teatër”
Kur erdhi momenti i Mand Pezës, ai u shpreh: “Të gjithë kemi fajet tona. Të rrijë apo të dalë i takon Fifit. Çdo krijues nuk hyn te njerëzit normalë, është më i prekshëm nga emocionet.” Me pak fjalë ai tha se artisti është më i ndjeshëm se njerëzit normalë dhe banorët e tjerë po përfitojnë nga Fifi. “Fifi eshtë një artiste në karrierë dhe duhet mbështetur në emocionet e veta.”
Në lidhje me skype, foli edhe Kreshnik Ibrahimi, shok fëmijërie i Fifit. Ai tha se i ështe kerkuar edhe nga familjarët e Fifit të fliste si shok i ngushtë i saj. Ata janë të mërzitur tha ai, edhe nga gjendja e Fifit edhe nga opinionet nëpër rrjete sociale.
“Familja e saj nuk po kalon një situatë të mirë. Fifi është ashtu, nuk po luan. Artistët ta mbështesin mos të hedhin gurë mbi Fifin. Në rast se psikologët mendojnë se duhet të dali, le të dali.”
Debati vazhdoi i gjatë por me shumë interes ishte mendimi i psikologes së ftuar në studio: “Ajo po dëmton veten. Ajo vuan nga një çrregullim për të cilin nuk dua të flas në këtë studio. Duhet të mjekohet. I duhet një konsulte, një psikolog, neurolog. Duhet ndihmuar si njeri, si individ dhe jo si Fifi artistja.
