Dea Mishel, Olta Gixhari dhe Krist Aliaj komentuan lojën e Luiz Ejllit brenda në shtëpi, deri në këtë pikë.
Sipas Deas, këngëtari i njohur nuk është lojtar i fortë sepse ka vetëbesim shumë të lartë dhe nuk dyshon asnjëherë te vetja e tij. Ajo shtoi se edhe në rastet kur dikush i thotë që e ka gabim diçka, ai nuk përpiqet të dëgjojë.
Nga ana tjetër Gixhari e cilësoi Luizin si njeri mashtrues. Olta tha se ai ka për t’u dobësuar shumë në lojë dhe kjo do të ndodhë kur të dalë më shumë se gjysma e shtëpisë.
Aktorja e njohur shtoi se ndryshe nga që gjithë kohën ka luajtur vetëm, Luizi është marrë me të gjithë, duke nisur nga Efi Dhedhes që u eliminua e deri te Armaldo Kllogjeri.
