Getinjo nuk kishte bërë asnjë romancë publike deri tani. Por, pjesëmarrja e shkurtër në “Big Brother VIP Kosova” bëri që ai të krijonte një lidhje me Vivien Thano. Një lidhje që po vazhdon edhe pas daljes së tyre nga formati.
Çifti janë thuajse të pandarë duke kaluar shumë kohë bashkë. Madje, reperi zbuloi në 14 shkurt se ky ishte viti i parë që ai festoi Shën Valentin.
Sot, e dashura e tij e zemrës festoon ditëlindjen dhe Getinjo ka treguar si rrallëherë anën e tij romantike në mediat sociale. Ai ka ndarë një foto të tortës në Instastory, ku shkruan: “Më shumë jetë e lumturi së bashku zemra ime”.
Ditët e fundit u raportua se Getinjo dhe Vivien do bëhen prindër. Çifti preferon që lajmin momentalisht mos ta ndajnë me publikun duke e shijuar në privatësi këtë periudhë të ëmbël.
Gjithsesi, Vivien reagoi në mediatr sociale duke publikuar video teksa ushtrohej në palestër ku mes të tjerave fokusonte barkun e sheshtë. Me këtë reagim indirekt ajo la të kuptohet se nuk është shtatzënë edhe pse nuk përjashtohet mundësia që të jetë foto të vjetra.
