Aksidenti i shumëfishtë që shkaktoi urbani i Unazës sot në afërsi të Urës së Tajvanit në Tiranë shkaktoi panik të pasagjerët dhe qytetarët e pranishëm në vendin e aksidentit.
Të tronditur nga aksidenti i shumëfishtë, disa qytetarë janë ulur në cep të rrugës për tu qetësuar.
Të traumatizuar ata shohin përmasat e përplasjes së autobusit me makinat, ndërsa shpreheh të frikësuyar nga ajo që ndodhi.
Sipas informacioneve të deritanishme mendohet se në aksident janë përfshirë të paktën 9 makina.
Ende nuk dihen shkaqet e aksidentit zinxhir që ka krijuar trafik të rënduar dhe ka trembur dëshmitarët në vendngjarje, por paraprakisht dyshohet se shoferi i urbanit ka humbur kontrollin e mjetit.
Por, ky nuk është rasti i parë i aksidenteve të rënda me këtë linjë autobusësh të kompanisë “Green Line” në pronësi të CFO Pharma të biznesmenit Nadir Çausholli.
Vitin e kaluar, një autobus nga e njëjta kompani ra në lanë duke plagosur disa pasagjerë. Ngjarja ndodhi në të njëjtin aks, madje vetëm pak metra larg aksidentit të sotëm.
“Green Line” mori linjën e Unazës një vit më parë duke pretenduar se kishte futur autobusë “green”, të cilët në fakt punojnë me naftë si edhe autobusët e tjerë, ç’ka tregon se përveç se nuk ka asgjë “green”, rrezikojnë edhe jetën e qytetarëve.
