Një aksident ka ndodhur në afërsi të fshatit Lumalas në Korçë ku një mjet ka përplasur një punonjës policie të qarkullimit.
Mësohet se ky i fundit është dërguar drejt spitalit rajonal dhe raportohet të jetë jashtë rrezikut për jetën. Drejtuesi i mjetit është ndaluar dhe po shoqërohet në komisariat.
Njoftimi i Policisë:
Maliq/Informacion paraprak
Më datë 04.01.2022, rreth orës 18:00, në aksin rrugor Korçë-Maliq, pranë fshatit Lumalas, Korçë, shtetasi Xh. A., i cili drejtonte mjetin tip “Benz”, ka përplasur punonjësin e policisë rrugore E. Ç., që ka qenë në shërbim, në këtë linjë.
Me drejtuesin e mjetit po kryhen veprimet e mëtejshme procedurale, ndërsa punonjësi i policisë u dërgua për ndihmë mjekësore në Spital, ku ndodhet jashtë rrezikut për jetën.
Grupi hetimor po punon për sqarimin e rrethanave të ngjarjes.
