Ish-zv.ministrja e Brendshme Rovena Voda ka kërkuar gjykim të shkurtuar. Ajo akuzohet për veprën penale “Ushtrimi i ndikimit të paligjshëm ndaj personave që ushtrojnë funksione publike” dhe deri tani ka qëndruar në masën e sigurisë “arrest shtëpie”.
Kërkesa është bërë nga avokati i ish-zv.ministres dhe tashmë do të jetë Gjykata e Posaçme ajo që do të vendosë për nëse do e pranojë apo jo kërkesën e Rovena Vodës për të përfituar 1/3 e uljes së dënimit kur gjyqi të dalë me vendim final.
Kërkesa e saj do shqyrtohet në seancën e parë ku Gjykata e Posaçme do vendosë nëse do e pranojë apo jo kërkesën e ish zv ministres.
Sipas SPAK ajo ka pranuar dhe ka përfitime materiale nga Florinda Beu dhe Majlinda Hasani, me qëllim që të ndikonte, tek zyrtarë të tjerë për ta punësuar në administratë. Beu me Majlinda Hasanin janë në masë sigurimi “arrest në shtëpie” për të njëjtën akuzë.
