Presidenti i Ukrainës Volodymyr Zelensky ka reaguar ndërkohë që delegacioni rus dhe ai ukrainas kanë nisur raundin e dytë të bisedimeve.
Ai deklaroi se ai dhe njerëzit e tij nuk do të dorëzohen, duke i dërguar në këtë mënyrë edhe një mesazh presidentit rus Vladimir Putin.
Teksa e ka cilësuar situatën e luftës dramatike, Zelensky tha se tashmë koha për ta ka ndalur.
“Ne mbrojmë lirinë dhe vendin tonë. Unë kurrë nuk do t’i dorëzohem rusëve. Koha ka ndaluar për ne. Do të qëndrojmë në këmbë deri në fund. Por ejani të flasim për këtë, është e nevojshme të ndalet lufta. Uluni me mua. Vetëm jo 30 metra larg si me presidentin francez Emmanuel Macron,” shtoi ai.
