Një vajzë e re nga Oregon, në Shtetet e Bashkuara të Amerikës, ka pësuar transformim total pasi vendosi të dobësohej.
E reja 23 vjeçare, Amber Rachdi, e cila peshonte 272 kilogramë ka mundur të zbresë në 100 kilogramë pas një regjimi me plot vendosmëri.
Ajo nuk mund të levizte, të hipte në makinë, nuk mundej të pastrohej vetë për shkak të peshës së lartë që kishte pasi nuk e kontrollonte dot trupin.
Kështu edhe pse me dyshime dhe e pashpresë, vendosi që të ndryshojë jetën e saj.
Në vetëm 3 vite Amber ja arriti qëllimit, raporton “The Healthy Soul”.
Fillimisht, Amber ka punuar shumë për të ndryshuar mënyrën e të ushqyerit dhe aktivitetin e përditshëm fizik, në mënyrë që të humbasë peshë të mjaftueshme për të bërë ndërhyrje në stomak, për heqjen e dhjamit të tepërt.
Pas ndërhyrjes ajo vazhdoi me ndryshime pozitive në jetën e saj.
“Nuk është kurrë vonë që ta merrni në kontroll jetën tuaj dhe të bëheni përsëri të shëndetshëm”, shprehet ajo në mesazhin e saj.
“Për aq kohë sa jeni të fokusuar në ndryshimin e mënyrës së të jetuarit do ja arrini qëllimit”, shton ajo.
