Cristiano Ronaldo mund të fitojë më shumë se kushdo tjetër në planet përmes postimeve të sponsorizuara në Instagram, sipas kompanisë analitike të rrjeteve sociale Hopper. Lista vjetore e Hopper rendit të famshëm dhe yjet e sportit sipas shumës që mund të fitojnë për postimet në Instagram.
Në vitin 2021, Ronaldo ka tarifën më të lartë të çdo personaliteti të rrjeteve sociale. Për çdo postim, kostoja për këdo që kërkon të reklamojë një produkt te 308 milion ndjekësit e Ronaldos, shkon në 1.6 milion dollarë.
Gati 80,000 dollarë më shumë se i famshmi i vendosur në vendin e dytë, Dwayne ‘The Rock’ Johnson. Është hera e parë që Ronaldo është në krye të listës. Më parë lista ishte kryesuar nga sipërmarrës, modele dhe artistë.
I vetmi atlet tjetër brenda 10 më të mirëve është rivali i madh i Ronaldos, Lionel Messi, i cili është i shtati. Hopper raporton se Messi përfiton 1.169 milion dollarë për postim.
Atletë të tjerë në 25 më të mirët përfshijnë yllin brazilian Neymar, i cili renditet në vendin e 16-të, dhe kapitenin e kriketit indian Virat Kohli, i cili është i 19-ti.
Dyshja mund të fitojë 824,000 dollarë dhe 680,000 dollarë respektivisht për postim. Fuqia e fituar e Ronaldos në Instagram është dëshmi e tërheqjes së tij globale dhe ndikimit të madh që ka.
