Ditëne sotme, Organizata Botërore e Shëndetësisë rekomandoi se njerëzit duhet të mbajnë maska në shtëpi për të parandaluar infeksionin e koronavirusit kur mysafirët vijnë tek ata dhe nuk janë në gjendje të mbajnë distancën shoqërore.
Sipas rekomandimit, maskat duhet të vishen në një situatë kur dhoma nuk është e ajrosur sa duhet ose nuk ka kushte për këtë, sipas udhëzimeve të sotme të OBSH-së.
Gjithashtu, OBSH tani rekomandon përdorimin më të gjerë të maskave në objektet shëndetësore.
Personeli dhe punëtorët e tjerë që nuk janë të përfshirë në kujdesin spitalor janë futur në një listë të njerëzve që duhet të mbulojnë hundët dhe gojën gjatë gjithë kohës.
Pacientët gjithashtu duhet të mbajnë maska në situata kur bien në kontakt të ngushtë me njerëz të tjerë.
OBSH gjithashtu paralajmëroi se maskat mund t’u japin njerëzve ndjenjën e gabuar të mbrojtjes, e cila është arsyeja pse ata kanë zakon të harrojnë për masat e tjera kryesore parandaluese.
