Kina ka ulur moshën e përgjegjësisë penale për disa krime të rënda nga 14 vjeç në 12, në përpjekje për të luftuar krimin e kryer nga fëmijët.
Sipas një ndryshimi të ligjit, fëmijët e moshës 12 deri në 14 vjeç do të llogariten penalisht përgjegjës për “vrasje me dashje ose lëndim të qëllimshëm që çon në vdekje ose u shkakton të tjerëve plagë të rënda me mjete jashtëzakonisht të ashpra”.
Ndryshimi, i cili u miratua të shtunën nga Komiteti i Përhershëm i Kongresit Kombëtar Popullor, shtëpia ligjvënëse e Kinës, do të hyjë në fuqi më 1 mars.
Personat nën moshën 14 vjeç që kryejnë krime përveç atyre të përmendur në ndryshimin e ligjit të ri të do të përjashtohen nga dënimi penal, por mund t’u jepet edukim korrektues.
Aktualisht, mosha e përgjegjësisë penale në Kinë është 16 vjeç, ku personat e moshës midis 14 dhe 16 llogariten penalisht përgjegjës për krime të rënda, si përdhunimi, grabitja dhe vrasja me dashje.
Ndryshimi i ligjit ndjek një rritje të krimeve tek të miturit nga 2018 në 2019, sipas librit të bardhë në qershor nga Prokuroria e Përgjithshme Popullore, organi më i lartë i Prokurorisë së Kinës.
Më parë, të miturit që kryenin krime të rënda kanë marrë dënime të lehta, duke shkaktuar zemërimin e publikut.
