Bashkëshortja e Armaldo Kllogjerit, ose siç e thërrasin Maestro, ishte e ftuar në “Ftesë në 5”. Ajo tregoi sesi nisi historia e tyre e dashurisë dhe vështirësitë që kanë kaluar pasi në fillim lidhja e tyre ishte në distancë.
“Ka nisur në vitin 2006, një vit shumë i rëndësishëm për mua. Isha në angazhimet e para si artiste në Teatrin e Operas dhe Baletit ndërsa Armaldo ishte në fillim të karrierës së tij si solist. Në provën e parë timen atje, jam takuar me Armaldon. Më ka bërë përshtypje vetëm zëri i tij fillimisht. Atij i vjen inat kur ja them këtë. Por më vonë më bëri përhtypje çiltërsia që ai ka. Është shumë i vërtetë, shumë i thjeshtë. Më vonë mori shumë vrull karriera e tij dhe ai mbeti i thjeshtë dhe kjo më ka pëlqyer më shumë. Ai e ka thënë që ka qenë dashuri me shikim të parë. Duke qenë se unë vazhdoja studimet në Austri kemi pasur një marrëdhënie të shkëputur. Vija vetëm për të marrë eksperiencë në Teatrin e Operas dhe Baletit. Marrëdhënia në distanë është shumë e vështirë. Edhe atij iu desh të rrinte shumë shpesh jashtë. Kanë qenë plot 8 vite të gjata me shumë vështirësi”, tregoi Aida.
