Nëse ju themi Dijonis Biba kemi thënë një nga emrat më të njohur në mediat sociale nga të rinjtë. Dijonisi e nisi rrugën drejt famës me muzikë, më pas me përmbajtje të ndryshme në rrjete sociale.
Pasi u largua disa vite nga Shqipëria, ai u rikthye sërish në qendër të vëmendjes kur filloi të realizonte video live në TikTok që merrnin shumë shikime.
Mes humorit dhe batutave të shumta, Dijonisi u kthye në një figurë të dashur dhe live-t e tij mbledhin me dhjetëra mijëra shikues. Me 563 mijë ndjekës në Instagram dhe 500 mijë ndjekës në TikTok, Dijonisi është kthyer tashmë në personazhet më të njohura.
Prej ditësh përflitet se ai do bëhet pjesë e Big Brother VIP. Dhe duket se diçka e tillë është konfirmuar edhe nga ai pasi ka postuar në Instagram një video nga ambientet e Top Channel ditën e sotme.
Nga ajo që mësojmë plani i produksionit është që Dijonisi të bëhet cift me një nga vajzat e shtëpisë dhe emri që lakohet më shumë është pikërisht ai i Teas.
