I dërguari special i SHBA-së për Ballkanin Perëndimor, Gabriel Escobar ka folur për rajonin në një dëgjesë të Senatit për Marrëdhëniet me Jashtë në Europë dhe Bashkëpunimin Rajonal të Sigurisë.
Escoar ka thënë se Shipëria dhe Maqedonia kanë bërë reforma dhe sakrifica domethënëse dhe të dyja vendet meritojnë që të përparojnë në procesin e anëtarësimit.
“SHBA vazhdon që të punojmë me BE-në për të avancuar integrimin europian për të gjitha vendet e rajonit dhe për të forcuar reformat që janë pjesë e procesit të negociatave për të sjellë përfitime në të mirë të tyre.
Në të njëjtën kohë, u theksojmë partnerëve të BE-së rëndësinë që të mbahen dyert e Europës të hapur, pasi kjo është nxitja më e rëndësishme që gjeneron vullnet politik për reforma kritike, por ndonjëherë të vështira.
Maqedonia e Veriut dhe Shqipëria kanë bërë reforma dhe sakrifica domethënëse, dhe të dyja vendet meritojnë që të përparojë në procesin e anëtarësimit. Momenti përpara do të ishte një provë e rëndësishme për të gjithë rajonin se kompromiset e vështira mundësojnë një të ardhme më të mirë”, mësohet të jetë shprehur Escobar.
Më tej i dërguari special dhe njëkohësisht zv/ndihmës sekretari Escobar ka paralajmëruar të gjithë ata udhëheqës që destabilizojnë rajonin.
“Në të kundërt, paralajmërimi ynë për aktorët në rajon që përfshihen në korrupsion, sjellje destabilizuese ose antidemokratike është i qartë: Do të ketë pasoja”, tha ai.
Më tej, ai ka thënë se në Janar Departamenti i Thesarit ka përcaktuar Milorad Dodik për korrupsion dhe sjellje destabilizuaese, si dhe ka vendosur sanksione për një televizion nën kontrollin e tij.
“SHBA do të vazhdojë që të përdorë të gjitha mjetet në dispozicion për të mbajtur përgjegjës ata që bllokojnë progresin e rajonit për përfitimet e tyre financiare dhe politike”.
Po ashtu sipas Escobar progresi i rajonit kërcënohet edhe nga politikat e dëmshme të huaja dhe influencat ekonomike të Kinës dhe Rusisë.
Megjithatë, në fund, Escobar thotë se “gjatë 3 dekadave të fundit, Ballkani Perëndimor ka qenë në fokus të angazhimit të qëndrueshëm të SHBA-së. Mes vendeve të Ballkanit Perëndimor, 4 prej tyre janë aleatë të NATO-s dhe të gjithë ose ndajnë qëllimin strategjik të integrimit më të thellë perëndimor si aspirantë në BE ose janë anëtarë të BE-së. Puna jonë nuk ka mbaruar akoma.
Lidershipi i vazhdueshëm nga Shtetet e Bashkuara, duke përfshirë këtu në Senat, mbetet thelbësore për të kompletuar transformimin e Ballkanit Perëndimor në aleatë më të fortë, partnerë transatlantikë dhe kontribuues për paqen dhe prosperitetin global”.
