Dashi
Hëna dhe Venusi do ju bëjnë me humor të mirë gjatë kësaj dite. Do e shihni çdo gjë me pozitivizëm dhe çdo hap do e hidhni me qetësi. Nëse sapo keni krijuar një lidhje me personin qe iu pëlqente prej kohesh dhe doni që marrëdhënia juaj të vazhdoje sa më gjatë duhet të keni besim tek njëri-tjetri dhe të flisni për çdo gjë. Largojeni sa më parë xhelozinë e tepruar. Ju beqarët më mirë ta lini veten të lire dhe të mos programoni asgjë. Dita në fakt do jetë shumë e bukur. Në punë disa kolegë do ju kritikojnë, por kjo do jetë në të mirën tuaj. Nëse ua vini mirë veshin e ardhja ka për të qene e shkëlqyer. Marsi do ndikojë tek buxheti dhe do iu sjellë fat. Përfitoni sa të mundeni.
Demi
Gjatë kësaj dite Hëna do ju bëjë më konkretë dhe keni për të marrë vendimet e duhura. Për ju të dashuruarit marrëdhënia me partnerin do jetë harmonike dhe e ngrohtë. Do keni dëshirë të kaloni sa më shumë kohë me të dhe do provoni gjëra të reja. Ju beqarët duke i kushtuar shumë rëndësi profesionit do e lini pas dore dashurinë. Kujdes sepse kur të kujtoheni ju do iu ketë harruar ajo. Në punë, vullneti për arritje dhe vendosmëri do ju ndihmojë të kaloni të gjitha pengesat. Nëse po kërkoni punë Jupiteri do iu hapë shumë dyer. Situata financiare do jetë e mirë dhe mund të kryeni investimet që keni menduar prej kohesh.
Binjakët
Gjatë gjithë kësaj dite planetët do ju bëjnë më energjikë dhe mezi do prisni të vini në jetë çdo ide që keni pasur në mendje. Ju te dashuruarit do tregoheni më të hapur me partnerin tuaj dhe do ta përforconi bashkëpunimin. Në disa momente mund të mendoni edhe të hidhni disa hapa më tej dhe t’i bëjnë gjërat më serioze nga sa kanë qenë. Ju beqarët do keni një takim të veçantë, por nuk do preferoni të krijojnë një lidhje me personin që do keni afër. Në punë do jeni shumë të zënë me detyrat që keni për t’u marrë edhe me kolegët. Do përdorni metodat e duhura për t’ia dalë mbanë e për të pasur një jetë profesionale sa më të mirë. Financat do jenë problematike. Kërkoni ndihmën e specialistëve për t’ia dalë mbanë.
Gaforrja
Dinamizmi do ju shoqërojë gjatë gjithë kësaj dite dhe do jeni burim shprese edhe për ata që ju rrethojnë. Të gjithë do kenë dëshirë t’i kenë pranë. Për ju të dashuruarit pritet që dita e sotme të jetë plot diell. Do flisni hapur me partnerin dhe nuk do i mbani asnjë mëri njëri-tjetrit. Ju beqarët do keni takime të njëpasnjëshme dhe nuk do dini kë të zgjedhin më parë. Reflektoni dhe besojini intuitës. Në punë do ju pëlqejnë shumë dita e sotme sepse do keni gjëra të ndryshme për të bërë dhe nuk do përballeni me rutinën. Do ndiheni edhe më të gatshëm për të ndërmarrë sfida. Në planin financiar do ndikojë si Marsi ashtu edhe Jupiteri. Të dy së bashku, këta planetë do sjellin probleme.
Luani
Sot do keni tendencë të jeni liderë dhe mund të dilni mbi të tjerët. Gjithsesi çdo hap hidheni me kujdes që të mos lëndoni ata që keni pranë. Ju të dashuruarit mos kërkoni të dominoni ne çift sepse do keni mosmarrëveshje me partnerin. Bëjini rezistencë ndikimit pervers të Jupiterit. Hëna do iu krijojë ju beqarëve mundësi të shumta për takime. Shfrytëzojini nëse nuk doni të vuani vetminë. Për një punë me cilësi do kërkoni infiormacione kudo dhe do e bëni gjithçka në mënyrën më të mirë të mundshme. Do ua vini veshin edhe këshillave që do iu jepen. Klima në planin financiar do jetë e paqëndrueshme. Shmangni transaksionet dhe ulni sa të mundni shpenzimet.
Virgjëresha
Marsi do sjellë tension në jetën tuaj sot dhe nuk do ndiheni aspak të qetë. Herë pas here do keni edhe frikë të thoni atë që mendoni. Ju të dashuruarit mos luani me ndjenjat e partnerit tuaj sepse do dilni të humbur dhe do vuani. Nga ana tjetër mos kërkoni as të keni pushtet mbi të. Ju beqarët nuk do jeni aspak të sigurt për atë që doni prandaj do bëni mirë të mos fillonin asnjë lloj angazhimi. Në punë do bëni mirë të punoni në grupo sepse vetëm nuk do mund t’ia dilni dot. Kolegët do ju ndihmojnë edhe të shprehni mendimet përveçse do ju bëhen krah për realizimin e objektivave. Financat nuk do jenë të këqija, megjithatë yjet këshillojnë më tepër maturi me shpenzimet. Mbrojeni veten sa të mundeni.
Peshorja
Do jeni shumë misteriozë gjatë kësaj dite dhe shumë do duan t’iu qëndrojnë afër për t’iu zbuluar. Jeta sociale ka për të qenë shumë më e mirë nga sa kishit menduar. Ju të dashuruarit nuk do jeni shumë të privilegjuar. Debatet do jenë të njëpasnjëshme dhe nuk do ndiheni të qetë. Nëse jeni beqarë duhet të shmangin me çdo kusht personat e shenjës së Binjakëve dhe të Luanit. Do vuanin nëse do afroheni me ta sepse keni shumë gjëra të kundërta. Në punë do bëni çdo gjë që të keni në dorë për të mësuar gjëra të reja për profesionin dhe për të shpalosur çdo njohuri që keni. Të ardhurat do përmirësohen falë një shume të papritur që mund të merrni nga një punë e kryer më parë.
Akrepi
Sot do keni një vendosmëri për t’u adhuruar dhe do ja dilni mbanë të përmbyllni edhe gjërat më të vështira. Nëse keni një lidhje, marrëdhënia me partnerin do përmirësohet mjaft. Nuk do keni për çfarë të ankoheni sepse i dashuri i zemrës do ua plotësojë të gjitha qejfet. Ju beqarët do keni mundësi të provoni një dashuri të sinqertë dhe shume të bukur. Ëndrra juaj më në fund do të bëhet realitet. Në punë do jeni shumë të fokusuar tek objektivi që doni të arrini dhe nuk do ndaleni për asnjë moment. Për fat të keq financat do jenë të rrezikuara pasi do keni tendencë të shpenzoni pa kontrolluar sa e keni buxhetin. Ky do jetë një gabim që do lërë edhe pasoja afatgjata.
Shigjetari
Në vend që të nxitoheni dhe të thoni gjëra pa lidhje më mirë analizojini me kujdes gjërat dhe më pas veproni. Jeta juaj në çift do jetë e qëndrueshme. Edhe pse nuk do ketë shumë pasion bashkëpunimi dhe mirëkuptimi do mbizotërojë gjatë gjithë ditës. Për ju beqarët do jetë një ditë edhe më e favorshme. Falë mbështetjes së Jupiterit ju do arrini të bëni për vete atë që iu pëlqen. Në punë do ecni me ritme më të shpejta dhe nuk do ju trembin as kritikat që do ju bëhen. Çdo hap do e hidhni me maturi dhe do jeni gati të bashkëpunoni me këdo për më të mirën e mundshme. Tregohuni sa më të matur me shpenzimet dhe mos merrni as hua sepse do keni shumë probleme më vonë.
Bricjapi
Gjatë kësaj dite do jeni më të matur dhe do e dini mirë si të veproni në çdo rast. Marsi dhe Neptunin do e keni përherë mbështetje të madhe. Dielli dhe Jupiteri do iu ndihmojnë që t’ia kaloni sa më bukur me atë që keni në krah, por duhet të bëni kujdes nga Plutoni i cili mund të sjellë debate të kota. Mos lejoni që mendimet e të tjerëve të ndikojnë tek ju. Ju beqarët do filloni një romancë të bukur. Gjithçka do jetë si në një film romantik. Në punë do ju duhet pak kohë për të fituar besimin në vetvete, por do ja dilni. Shihni vetëm çështjet tuaja dhe mos u merrni me të tjerët. Financat do fillojnë të stabilizohen pak nga pak. Do gjeni mënyrën si të ndreqni edhe gabimet.
Ujori
Më në fund sot do dilni nga anonimati dhe do bëheni më të njohur. Jeta juaj do marrë më shumë shkëlqim. Nëse keni një lidhje, të gjitha dyshimet apo pengjet që keni për jetën sentimentale duhet t’ia thoni atij që keni në krah. Vetëm në këtë mënyrë do ndiheni më të qetë. Ka mundësi që falë kësaj sjelljeje të afroheni edhe më tepër me partnerin. Ju beqarët që keni ëndërruar prej kohësh dashurinë e madhe duhet të përgatiteni sepse po afron momenti. Në punë do përshtateni shumë mirë me kolegët që do ju kërkohet të bashkëpunoni dhe gjithçka do rrjedhë natyrshëm. Edhe pse do jetë ditë me fat për financat nuk duhet të hidheni me sy mbyllur në detin e shpenzimeve.
Peshqit
Mos kërkoni përballje gjatë kësaj dite sepse ashtu do futeni në probleme të vazhdueshme. Ambienti për ju çiftet do jetë i favorshëm për t’u dashuruar qetësisht. Do tregoheni diplomatë kur t’i kërkoni diçka partnerit dhe ai nuk do mund t’iu refuzojë. Ju beqarët do ndihmoheni shumë nga Jupiteri, i cili do iu sjellë një takim impresionues. Mos e humbni mundësinë për t’u njohur mirë me atë person. Në punë mëngjesi do jetë delikat dhe mund të ndiheni të shpërqendruar, por me kalimin e orëve situata do jetë me ndryshe. Mund të hidhni edhe ndonjë hap që më parë nuk kishit mundur. Edhe në planin financiar pritet të ketë një përmirësim të ndjeshëm.
