Eros dhe Ajsel Grezda janë një nga çiftet më të komentuara të momentit. Ndonëse më herët, futbollisti është shprehur se e bezdis fakti që përflitet vetëm për jetën private, në marrëdhënien e tij të re ai nuk i ka kursuer postimet dhe dedikimet e ëmbla.
Ditën e sotme partnerja e Eros, Ajsel feston ditëlindjen. Nëse po prisni t’u themi që Grezda i ka bërë një dedikim romantik, na vjen keq që ju zhgënjejmë. Futbollisti i ka bërë partneres një super dedikim të veçantë dhe “të kohës”.
“Edhe 100 zemër. Të dua më shumë se Luizin,”-i ka shkruar Eros në një pusullë bashkëshortes së tij.
Këtë urim sigurisht që Ajsel e ndau me ndjekësit e saj ku krahas tij shkruan: “Kur burri jot është më romantik nga sa e ke imagjinuar.”
Epo nuk është e habitshme që “Luizmania” paska prekur edhe ciftin e njohur.
Kujtojmë që Ajsel Abazi është kushërira e Almeda Abazit, e cila prej vitesh jeton në Turqi pranë bashkëshortit të saj të njohur Tolgahan. Edhe Ajsel jeton po atje, ndërsa Grezda luan me skuadrën Manisa të Turqisë.
Më herët Eros i dha fund lidhjes së tij me Oriola Marashin pikërisht për shkak të xhelozisë nga ana e futbollistit.
Grezda ishte ai që përpiqej ta largonte Oriolën nga modelingu, duke sjellë kështu probleme në çift. Gjatë një intervistë për “Sport Magazine”, ai ka treguar se gjithmonë e ka bezdisur ky fakt pasi flitej për lidhjen e tij dhe jo karrierën.
