Pavarësisht nëse jeni i fiksuar pas atrologjisë apo fillestar, me siguri e dini se data kur keni lindur përcakton shenjën tuaj të diellit. Nëse keni lindur më 3 gusht, ju jeni një Luan. 4 dhjetor? Shigjetar. Por një histori virale ka ‘’shpërthyer’’ kohët e fundit që tregon se ekziston një shenjë e 13-të – Ophiuchus – që ka ndryshuar gjithçka që mendonit se dinit për astrologjinë. Megjithatë, ky është një mit që kërkon të zhduket herë pas here.
Çfarë është dhe nuk është Ophiuchus
Në vitin 1930, Unioni Ndërkombëtar Astronomik përcaktoi kufijtë e konstelacionit të Ophiuchus, duke vënë në dukje se dielli kalon përpara tij midis 29 nëntorit dhe 18 dhjetorit.
Ndërsa asnjë nga sistemet e astrologjisë nuk e përdor zyrtarisht Ophiuchus-in si një shenjë, disa astrologë mund ta përfshijnë atë në praktikën e tyre.
Kjo shenjë bie midis shkallëve të vona të shenjës fikse të ujit Akrepit dhe shkallëve të hershme të shenjës së zjarrit Shigjetarit. Dhe në mitologjinë greke, Ophiuchus përfaqëson perëndinë e mjekësisë, Asclepius, djalin e perëndisë Apollon, i cili dihej se kishte fuqi të mëdha shëruese dhe forcë intelektuale.
Pra, astrologët që përdorin shenjën do të thoshin se dikush që ka lindur midis 29 nëntorit dhe 18 dhjetorit mund të ketë intuitën e një Akrepi dhe etjen për njohuri të një Shigjetari. Megjithatë, sa i përket astrologëve perëndimorë, Ophiuchus nuk hyn në lojë në sistemet astrologjike.
Pse nuk ka ‘shenjë të 13-të të zodiakut’
Me 12 shenja, ne marrim tre shenja në sezon. Dashi e nis festën si shenjë e parë dhe Peshqit e mbyllin me inteligjencën e pafund emocionale dhe mençurinë shpirtërore. Shenjat qëndrojnë përballë njëra-tjetrës për të krijuar polaritete (ndonjëherë të referuara si “shenja motra”) që na tregojnë dy këndvështrime shumë të ndryshme.
Me fjalë të tjera, astrologët e lashtë krijuan një sistem gjeocentrik, interpretues që ka për qëllim të pasqyrojë përvojën tonë të kohës dhe stinëve.
Tiranapost.al
