Vendet si Norvegjia, Danimarka, Finlanda, Suedia dhe Islanda shpesh renditen të parat si vendet me njerëzit më të lumtur në botë dhe të kënaqur me jetën e tyre. Pse ndodh diçka e tillë? Më poshtë ju listojmë arsyet dhe do kuptoni gjithccka.
Ata vlerësojnë ekuilibrin e jetës
Skandinavët nuk përpiqen të bëhen miliarderë. Ata dinë të jenë efikasë në punë dhe ta shijojnë atë, por gjithashtu kalojnë shumë kohë me familjen dhe miqtë e tyre. Gjithashtu u kushtojnë kohë pasioneve dhe hobeve, si dhe punojnë më pak. Për shembull, në Danimarkë, njerëzit punojnë 37 orë në javë. Për krahasim, njerëzit në vendet e tjera shpesh punojnë më shumë se 40 orë në javë.
Koha e pushimeve është një tjetër gjë që e bën Danimarkën të dallohet. Punonjësit kanë të drejtë për 5 javë pushime, të paguara. Dhe, për shkak se ekuilibri punë-jetë është shumë i rëndësishëm për ta, ata madje inkurajohen t’i marrin ato, dhe është zhgënjyese nëse nuk e bëjnë. Ata gjithashtu mund të marrin “pushim nga stresi” kur gjërat në punë bëhen aq keq sa ato ndikojnë në shëndetin e tyre mendor.
Në Finlandë, punonjësit gjithashtu kanë të drejtë të zhvendosin ditën e tyre të punës 3 orë më herët ose më vonë. Ky fleksibilitet i lejon ata të caktojnë ditën e tyre. Në Norvegji, punonjësit që sëmuren gjithashtu marrin deri në 3 javë leje me pagesë.
Ju pëlqen koha e shpenzuar në natyrë
Kalimi i kohës jashtë mund të ketë efekte pozitive në shëndetin tuaj fizik dhe mendor. Dhe skandinavët dinë ta shfrytëzojnë këtë mundësi, duke shijuar natyrën. Pavarësisht motit të ftohtë, ata sërish dalin dhe shprehja e tyre është: “Nuk ka mot të keq, ka vetëm rroba të këqija”.
Dashuria e tyre për të kaluar kohën jashtë ka një emër; friluftsliv (jeta e lirë në ajër të pastër). Është një pjesë thelbësore e jetës së tyre dhe ata përpiqen të shfrytëzojnë në çdo mot dhe rastet që ata të mos bëjnë shëtitje në pyll janë shumë të rralla. Edhe kompanitë i inkurajojnë punonjësit e tyre të ushtrohen dhe të kalojnë kohë të lirë. Mund të jetë edhe një politikë e tyre që punonjësit të kalojnë kohë në natyrë, për të qenë më vonë më produktivë.
Nënat dhe baballarët e rinj kanë shumë mbështetje
Në Islandë, nënave të reja u jepet 9 muaj leje me pagesë, ndërsa baballarëve 3 muaj. Ndërsa në vendet e tjera leja është shumë e shkurtër dhe shpesh e papaguar.
Në Suedi, prindërve të rinj u jepet deri në 480 ditë pushim me pagesë dhe marrin 80% të pagave të tyre. Nënat e ardhshme dhe ato të reja gjithashtu lejohen të ulin orët e tyre normale të punës deri në 25%, derisa fëmija i tyre të mbushë 8 vjeç dhe të marrin një ndihmë mujore për fëmijë derisa fëmija të mbushë 16 vjeç.
Ata nuk kanë stres për paratë
Në shumë vende, njerëzit shpenzojnë shumë para në fatura mjekësore ose thjesht për të paguar shkollën dhe universitetin. Ky nuk është rasti i vendeve nordike. Shëndetësia dhe arsimi janë falas. Për më tepër, të papunëve u ofrohet mbështetje.
U besojnë të tjerëve
Të jesh në gjendje të besosh të tjerët, do të thotë se besoni se të tjerët janë po aq të ndershëm sa ju dhe se kujdesen për të mirën e përbashkët. Kështu, ndërveprimet shoqërore bëhen më të këndshme, siç janë marrëdhëniet që skandinavët ndërtojnë. Këto marrëdhënie, nga ana tjetër, mund t’u sigurojnë atyre mbështetjen e nevojshme.
Vendet nordike gjithashtu kanë një normë më të ulët të krimit, kështu që njerëzit ndihen më të sigurt. Kjo siguri dhe ky besim mund të ndikojë pozitivisht në mirëqenien e tyre. Për shembull, njerëzit nga vendet skandinave besojnë se një portofol i humbur do t’u kthehet atyre më shumë sesa njerëzit nga vendet që renditen më poshtë në Raportin Botëror të Lumturisë.
